Bakit Kailangang Lumabo Ang Tubig Sa Batis
Nakiliti ang talampakan mo nang una kang sumawsaw sa kanyang agos
Nabighani kang magpaunlak sa mahinhin niyang paanyaya
Lumusong ka at binasa ang kalahating katawan
Nagtampisaw ka at tuluyang naglunoy.
Ninamnam mo ang nanunuot
Niyang lamig hanggang
Mamanhid ang buong
Katauhan.
At naglaho
Ang init sa iyong
Dibdib. Kailangan mong
Huminga at kumawala sa kanyang yakap
Nagpumiglas ka at sumikad paitaas. Hindi alintana
Ang tubig na iyong kinakalabusaw. Kinutkot ng iyong kuko
Ang pusod niyang nalalatagan ng basurang matagal nang kinakalong.
Bukas, matapos na lumaya, hindi mo na nanaising lumusong sa batis na minahal.
Rosemarie M. Ydia
Hulyo 25, 2008
Kinakalabusaw yun…maganda ang pagkakalikha at mukhang may isinilang na kalahati sa kaniyang pagkatao o kung tawagin ay luwal-hati…galing galing mo namang tumula Madam…lab yu!!!!
Ni: tata noong Hulyo 25, 2008
sa 1:06 hapon
Ikaw ba talaga ang sumulat niyan, o may iba pa? Isang tagay sa iyo.
Ni: Roberto Añonuevo noong Hulyo 31, 2009
sa 10:10 umaga
opkors!
Salamat po at natapunan ng konting “may pag-aalinlangang” pansin ng isang dakila ang aking hamak na tula…
Stay blessed…
Ni: oneinamillionrose noong Hulyo 31, 2009
sa 2:10 hapon
WOW ang galing mong sumulat ng tula..
ang galing galing mo…
Ni: Nikko noong Agosto 22, 2009
sa 1:03 umaga
Salamat. :’>
Ni: oneinamillionrose noong Agosto 23, 2009
sa 6:35 hapon
Please watch the video.
Starring: ME
Videographer: My daughter. :]] thank you. :*
Ni: oneinamillionrose noong Agosto 23, 2009
sa 6:30 hapon