Dream Zone (SONA ng Panaginip)

Babala:  Nais ko pong linawin, hindi po ako isang aktibista…hehe

 

Sona ng Panaginip, Rosemarie Medina Ydia, 8/01/06

Sa loob:

Masigagong palakpakan

ang sa iyo’y  sumalubong

Kaliwa’t kanan ang pagbati

ngiti dito, kindat doon

 

Sa labas:

Nagdabog si San Pedro

at nagngalit yaong lintik

Langit ay lumuha,

taong bayan ay nagngitngit

 

Bawat salitang binigkas,

sa ilong ay lumabas

Ang panaginip mo ay bangungot

na nagdulot ng  kilabot

 

Sa aking pagkabagot,  ako ay inantok

sa bitag ng pakana muntik na nahulog

Ngunit ako ay pinukaw ng huwad na palakpakan

hanggang sa mamulat sa mapait na  kabalintunaan