src=\”http://oneinamillionrose.files.wordpress.com/2009/06/1152161087-hr-20.jpg\”Isang Panalangin, Rosemarie Medina Ydia, 4/14/06
Yakapin mo ako at ikulong sa iyong bisig
Kunin yaring puso\’t ilagak sa iyong dibdib
Dapyo ng hininga mo\’y aking kailangan
Upang kaluluwa\’y muling magkabuhay
Akayin mo ako\’t wag nang iwanan pa
Isama mo ako, ilagay sa iyong bulsa
Sa daigdig, kung ikaw ay mag lalaho,
Lahat ng bagay, mauuwi sa siphayo
Buksan ang mga matang sadyang malalamlam
Bigyang liwanag yaring aking daan
Liwanag ng araw waring hindi sapat
Upang makita, nakaumang na tabak
Mukha mong kay amo, hayaang pagmasdan
Bukal ng dugo, hayaaang punasan
Kung sa ganitong paraan, maaring hugasan
Kasalanang sa iyo ngayo\’y pumapaslang
Sana\’y baunin mo yaring pagmamahal
aking panalangin, hwag sanang kalimutan
Sa iyong pagbabalik, ako ay tapunan
Ng iyong ngiting tanging inaasam
Love you Lord!
